Die einde kom! Die einde kom!

Die einde kom! Die einde kom!

Sedert April 2024 tot huidiglik
het die Heilige Gees my reeds
11 keer vermaan om te verkondig
“Die einde kom! Die einde kom!”

Die jaar 2024 het letterlik Jesus
se verduidelikende antwoord op die dissipels
se vraag oor “Wat is die teken van U koms?”
in Mattheus 24 in beweging gebring
naamlik, “die begin van die smarte.”

En leer van die vyeboom hierdie gelykenis:
“Wanneer sy tak al sag word en sy blare uitbot,
weet julle dat die somer naby is.
So weet julle ook, wanneer julle al hierdie dinge sien,
dat dit naby is, voor die deur”

Die vyeboom is binne een dag herbore
– presies soos deur die profeet Jesaja geprofeteer –
“Voorwaar Ek sê vir julle, hierdie geslag
sal sekerlik nie verbygaan
voordat al hierdie dinge gebeur het nie”
– hierdie geslag is reeds 76 jaar oud! –

Mattheus 25 begin Jesus Sy vertelling
met die wegraping
– net die helfde van gelowiges –
was waardig geag
om die smart van die groot verdrukking
vry te spring!

Mattheus 26 maak Jesus aan Sy dissipels bekend:
“Julle weet dat oor twee dae
die pasga kom,
dan word die Seun van die mens
oorgelewer om gekruisig te word.”
“My Vader, as hierdie beker
nie by My verbygaan sonder dat Ek dit drink nie,
laat U wil geskied.”
Sal dit dié tyd wees
van die wêreldwye verdrukking
van Jesus se dissipels?

Mattheus 27 openbaar
“en hulle het Hom geboei
en weggelei en Hom oorgelewer
aan Pontius Pilatus, die goewerneur.”
“En hulle spuug op Hom
en neem die riet en slaan Hom op Sy hoof.”
“My God, My God,
Waarom het U My verlaat?”
En kyk, die voorhangsel van die tempel
het in twee geskeur – van bo tot onder –
en die aarde het gebewe
en die rotse het geskeur;
en die grafte het oopgegaan
en baie liggame van die ontslape heiliges
het opgestaan.
En hulle het gegaan en die graf
verseker deur die steen te verseël
In teenwoordigheid van die wag.

Mattheus 28 – En daar kom ‘n groot aardbewing,
want ‘n engel van die HERE
het uit die hemel neergedaal en gekom
en die steen van die opening weggerol
en daarop gaan sit.
“Hy is nie hier nie,
want Hy het opgestaan soos Hy gesê het.
En toe die elf dissipels hom sien,
het hulle Hom aanbid –
maar sommiges het getwyfel –
“Aan My is gegee alle mag in hemel
en op aarde.”
“En kyk, Ek is met julle al die dae
tot aan die voleinding van die wêreld.”