Wederhelfte

Wederhelfte!

Ek betrag my wederhelfte ..
haar sprankeling is nog dieselfde!

Dit was weliswaar 47 jaar gelede
sy was die meisie in my gebede!

Ek was destyds die Sersant
nogals een malse kalant ..

Hoe dit ook al sy,
sy het dadelik gehou van my!

Ek wou eers die kat uit die boom kyk
.. maar dit het later onnodig geblyk!

Bewimpelde reȅlings deur die Venter’s
had al my enkellopende planne flenters
.. en het gehad ten doel
dat ons tweetjies nie moet verkoel!

Binne minder as ses maande
.. toe sit ons twee en vry in die aande!

Kort voor lank is ek opgeroep
eers vir opleiding in guerilla oorlogvoering ..
en moes ek vinnig spring om haar bekoring!

Verloof geraak vinnig
want ons liefde was so .. innig!

Net daarna .. was dit drie maande grensdiens
.. dit het verbygegaan ongesiens!

Vyf maande verloof
toe staan ons voor die kansel en beloof ..
.. tot die dood ons skei ..
want langer kon ons die alleen slaap nie vermy!

In dié tyd het ek het haar goed leer ken
as sy sê ‘Benjamin’ .. en nie ‘Ben’
moes ek in my spore trap
dan was sy omgekrap!

Swanger kon sy nie raak
dit kon die liefde nie skaad ..

God is ‘n gebedsverhoorder
Sy kind is nie ‘n verloorder
God gegewe
skenk Hy toe vir ons kinderlewe!

Met twee dogters in die huis
was rus-en-vrede nie altyd pluis ..

Opgegroei in die Woord
sing hul kinders nou in akkoord
.. Jesus is Koning van die konings ..
weerklink dit ook in hul wonings

Die ouderdom vat aan my wederhelfte
en laat my ook na geheue delwe!

Ondanks die pyn en al die snymerke
ken haar geloof in God geen perke!

Kwaadaardig is dit wel
sy laat haar geloof nie daardeur kwel

Jesus Christus is haar vertroue
en haar behoue ..

Kinders en klein-kinders sal nie weet
hoe sy elke dag bid dat hul God nie sal vergeet!

Dit is haar lewensbeleid
om vir hul .. by God te pleit

Ek hoor as sy bid .. so baie kere
as sy vol vertroue, eenvoudig bid “HERE ..

Ek is God so dankbaar
dat ek het .. vir haar!