Die Leeu en die Bruid!

Die Leeu en die Bruid!

God geseënde
Kerk van Filadelfia .. gemeente
van die opgestane Lam
jy het verwerp .. wêreldse buigsaamheid
en bewaar .. My lydsaamheid
daarom sal Ek ook bewaar .. My Bruid
.. satan sal jou níe buit ..
My belofte staan vas
Ek sal jou verlos van die Antichris se bose las
.. by My is daar vergifnis en versoening
vir jou suiwer hartsbedoeling ..
Ek sal My Bruid bewaar, wegruk

.. in die wolke wegvoer
die Leeu uit die stam van Juda .. tegemoet
die hemelse ontmoeting .. so soet
.. tesame met die Gees van God! ..

uit die uur van beproewing
wat sal kom oor die hele wêreld ..
al die bewoners van die aarde .. in uiterste bedroewing
daar was nog nóoit só ‘n groot verdrukking
oproere .. waansinnig en kranksinnig
menseslagting ..
angsbevange .. beheerbare slawe
deur die Antichris behandel met minagting
met ‘n ystergreep sal hy regeer
níemand sal dié satansgevulde, kan keer!

Agtergeblewe ..
die Laodicea gemeente
aardsgedrewe
geestelik .. net ‘n gebleikte gebeente
van buite .. so blink
maar deur God bevind
onwaardig
en beklaenswaardig
arm, naak en blind
het sy haar lot
.. sélf beklink ..
was sy maar warm of koud
deur God bevind .. net lou
..haar eerste liefde het sy nie behou ..
begogel met wêreldse beredenerings
kompromieë en toegewings
daar was geen sondebelydenis
geen opregte pleit om vergiffenis
net selfvoldaanheid in aardse selfvoldoening
.. was sy ontrou
aan die Woord van God ..
is sy agtergelaat .. vol berou
en doodsbenoud
sy het die Heilige Gees .. nie meer .. as haar behoud
en is sy uitgespuug ..
voor die Antichris sal sy moet bieg
of lieg
.. haar leuse
opgesluit in haar ewigheidskeuse ..
sal haar lewenskoers bepaal
of sy die hemelse oorwinning sal behaal
en die kroon van die ewige lewe .. ontvang
.. of met ewige verdorwering .. omhang ..