‘n Uitspraak!

‘n Uitspraak!

‘n Tragedie is besig om te ontvou
aksies .. in-die-geheim-bereken
.. sal in die geskiedenis .. aangeteken
word as flaters ..
.. sal die erflaters
dit onthou ..

Kleingemaak
onder die nasies
.. tog, só baíe vermag ..
nou verág
áfgekraak ..

‘n Goddelose hart se vermetelheid
.. met duisternis omrank ..
geestelik gekrenk
.. deurdrenk
met vergetelheidsdrank ..
.. kassa-sakke .. só wyd ..
wie in hoë plekke bly
.. sluheid deur sy hart laat gly ..
baie verlei ..

Daar kom ‘n eínde aan
.. jy moes nié in die poort
gekom het
toe jy sý nood oplet ..
.. jy moes nié met genót
sý onheil aanskou het
ja, jy was daarop versót ..
.. jy moes nié die hand
uitgesteek het na sý rykdom
om hóm só te laat ómkom ..
.. jy moes nié gestaan
het op die kruispad
met ‘n materslat
om hóm flenters te slaan
sý vlugtelinge
te boei
en uit te roei
deur jou geknoei ..
.. jy moes nié sý vrygeraaktes
uitgelewer het op die dag van benoudheid
en daaroor gejolyt ..

Want die dag van die HERE
is naby ál die nasies
Sy Woord verklaar basies
“soós jy gedoen het
sal aan jou gedoen word
jou dade sal op jou hoof neerkom”
.. jy moes nié gesê het “hardloop na jou God”
‘dit maak jou nie benoud
dit laat jou koud’ ..

Gooi af .. satan’s lis
daar is nog tyd .. vir Jesus se vergifnis ..

Jý, kleingemaak
vir God maak jý saak ..
.. wees nie bang
moenie jou hande
op die lande
moedeloos laat hang ..

Die HERE jou God is by jou
Hy, die krygsman wat red
Hy is vol vreugde oor jou
Hy is stil-tevrede in Sy liefde
Hy jubel en juig oor jou ..
.. op die regte tyd
verander Hy jou lyd
jou vernedering
verander in eer
en in roem
oor die hele aarde genoem
.. die Éniggebore Seun van God se Naam moet jy bely
jou geloof ín Hom, standvastig bly ..