Oorsprong van die naam .......

"Skimmel-en-Bloed"

Vroeg in Desember 2021 spreek ek my versugting teenoor die Here uit dat ek 'n behoefte het om die verlossingskrag en heerlikheid van kind van God wees, met mede-gelowiges te deel en dat ek 'n gospel blog van stapel wil stuur.
Ek vra toe die Heilige Gees om my te lei met die bepaling van 'n gepaste en omskrywende naam vir die webwerf blog en, kragtens die volmaakte aard van die Heilige Gees, gee Hy vir my slegs drie woorde ... "skimmel" .. "en" .. "bloed" ... (in daardie volgorde!).
'n Google navraag na die woord 'skimmel' vind onmiddellik Levitikus 13!
Die gekose domain naam 'Skimmel-en-Bloed' is onteenseglik en onbetwisbaar 'n Heilige Gees geïnspireerde naam van ewiglewende betekenis.

Skimmel-en-Bloed

'n Enkele wit verswering ...
Oop en rou
Gegogel en uitgedryf
Verklaar deur die priester ...... ONREIN!

Skurfsiekte ...
Donserig en geel
Bespot en verjaag
Verklaar deur die priester ....... ONREIN!

Ontsteking ...
Rooierige swelsel
Verwerp en verstote
Verklaar deur die priester ....... ONREIN!

Voorland ...
Onversorgde hare
Geskeurde klere
Geisoleer en uitgejaag
Afgesonder in wanhoop en eensaamheid
Weerklank die omhulp noodkreet ....... ONREIN! ONREIN!

Skimmels ...
Groenerig of rooierig
Kragtens Levitiese wette
Verklaar deur die priester ....... ONREIN!

Sonde-skimmels ...
Die kwaad is reeds gedaan
Bevlekte lewenskleed
Koud, naak, dors, verhongerd, en reddingloos
ONREIN! ONREIN!
DIT ... is die lot van 'n enkele sonde-skimmel!

Verlore ...
Kragteloos
Weerloos
Lewensvoos
Verdoem tot ewige duisternis ...
Waar sal hulp en redding vandaan kom?

Getsemane ...
Seun van die mens
Doodsbenoud
Galbitter smart
Lydenstoornbeker-gebed ... laat U wil, Vader! ... geskied!
Angs bloedsweet ...
Skimmelloos
Lam van God!

Stikswart skimmel-duister tuimelval ...
'n Rou wanhoopskreet
Skeur deur die hemelwand
'Red my HERE!'

Skimmel-bevlekte sondaarshart
'Jy's verloré' ... koggel duisternismagte
Fetus biddend, gebroke siel, onverganklik verloré
Nie teen vlees en bloed
Magte van doderyk
Weeklaag en berou

Dan, die sondebesef ...
Wie sal verlos van hierdie doodsbestaan?
Wie sal hierdie gebroke graniethart aanraak?
Waar sal hulp en redding vandaan kom?
Wie sal skimmel-vergifnis skenk?

Golgota ...
'n Verlosser verguis
Aan 'n vervloekte kruis
Deur God verlaat!
Dit het Vader God behaag ..
Deur sondaars geplaag

Marmersware skimmel-sondelas
Sondaarsliefde ...
Het Jesus vasgeklem
'Dit is volbring!'
Blits die spies se lem ...
Het sondaars dit gewaar?

BLOED ...
Seun van God

Genade onbeskryflik groot
Het Jesus Christus aan sondaars bewys
Sy vergote Bloed deurdrenk die sondaar ...
Vergifnis en sielsredding
Oorwinning oor elke sonde-skimmel ...
Geheilig en REIN!

Deur die Bloed van die Lam
Yeshua Hamashiach