Alle werk van die geloof!

Alle werk van die geloof!

So sê die HERE:
“Die hemel is My troon
en die aarde die voetbank
van My voete”

.. geen mens kan God onttroon
deur Sy Wóórd te ontkloon
met menslike denke
Sy Wóórd te verdraai
met regsdreigemente
Sy skape te verraai ..
Soos húlle hul eie weë verkies
.. tot hul ewige verlies ..
en húlle siel ‘n behae het
in hul verfoeisels
.. ‘n verderwingsnet ..
só sal God ook húlle ongeluk verkies
en wat hul met skrik vervul,
oor hulle laat kom,
omdat God geroep
en niemand geantwoord het nie,
God gespreek
en húlle nie gehoor het nie;
maar húlle het gedoen
wat verkeerd
is in God se oë,
en verkies
wat God nie behaag nie ..

Daarom sal húlle beskaamd staan
‘kap die boom om en verwoes hom,
maar laat sy penwortel in die aarde staan’
.. sewe tydperke lank ..

Diegene wie slégs vertrou op die
vólle Wóórd van God ..
dat onse God julle die roeping waardig mag ag,
en alle werk van die geloof
met krag
volkome mag maak,
sodat die Naam van onse Here Jesus Christus
ín julle verheerlik kan word
en julle ín Hom,
ooreenkomstig die genade
van onse God en die Here Jesus Christus!

Kom bymekaar, julle almal, en luister!
Wie onder hulle het dít verkondig?
Hy vir wie die Here liefhet, sal Sy welbehae voltrek
aan húlle .. ‘n Babelse verwarring ..
en Sy mag aan dié kluitbrekers
.. met Goddelike insig ..
en hul weg sal voorspoedig wees

Kom nader na My, hoor dit:
Ek het van die begin af nie in die geheim gespreek nie;
van die begin af dat dit gebeur,
is Ek daar!

En julle sal weet dat Ek die HERE is
as Ek met julle handel ter wille van My Naam
en nie volgens julle verkeerde weë
of julle verdorwe handelinge nie ..