‘n Ope Uitnodiging!

‘n Ope Uitnodiging!

Voor u hierdie skrywe ontgin
om daaroor te besin ..
laat ek duídelik begin
met ‘n erkentenis
.. sodat u die krúks van die saak
nié sal mís ..
ek dien en vrees die God van Abraham, Isak en Jakob
.. dié God téen wié u plot ..

Die God van Abraham, Isak en Jakob
hét ‘n Eniggebore Seun
.. op wié u ook mag steun
volg slégs Sý raad ..
(selfs Jacob het ál oor Hom gepraat
u is mos nou vir hóm ook kwaad?)

Die Woord van God
verkondig verdoemende lot
.. Hý tog verander die tye
en omstandighede
Hý stel regeerders aan
Hý sit regeerders af
Hý weet wat in die duister is
die Líg woon by Hóm ..

Met ‘n beklemde hart
ja, hartbenoudend
verkondig ek
sielsbehoudend
.. vermy ewige smart
Jesus skenk sondevergifnis ..

U is nóu aan bewind
wees nie té aardsgesind
die dae van ons lewe
is níe ‘n gegewe!

Daar ís ‘n oordeelsdag
waar elke knie sal buig
en elke tong sal bely
dat Jesus Christus
die Verlosser en Seun van God
is .. tot
heerlikheid van die God
van Abraham, Isak en Jakob ..

U hét nog ‘n keuse
.. ‘n lewensleuse
‘n ewigheidsbesef
om Jesus te verhef ..
.. hemelgerigtheid
óf totale Goddelike afwesigheid ..